Diaranson anochi na Driemasterstraat den area di Madiki a surgi un pelea formal den un cas entre algun homber unda cos a bay for di man y tabatin kibramento di glas.
Den esaki dos homber cu a hala otro cu mokete a keda herida, un a keda cu cortanan di glas na su man y e otro parti curpa herida. Polisnan di biaha ta presenta n’e sitio. A detene e agresor, y mes momento a detene un otro persona cu tabata stroba trabou di polis. Ambulance tambe a presenta pa atende cu ambos homber cu a bringa cu otro y un a keda transporta pa hospital. Departamento forensico tambe a presenta n’e sitio pa saca potret di tur loke a pasa den e cas.