Cu urgencia patruya di Oranjestad y recherchenan a yega Panamastraat pa un pelea formal den e caya entre adicto. Ora polis a yega a topa cu un nissan cube su winshield destrui, e doño tabata rabia y cansa cu e situacion cu e cas cu ta mantene e adictonan y semper tin problema na e cas. E homber cu ta encarga cu e cas ta desmenti cu e ta wanta e adictonan mientras semper tin circulacion di adictonan ambulante na e cas y e bisiñanan ta cansa di e situacion. Polis a tuma un biga den beslag, e sospechoso mes a bandona e sitio pero ya autoridad sa ta kende pa bay atende cune.