Diaranson pasa di 12’or marduga pafo di gusto y entre lobby na the village mall a surgi un pelea formal entre algun homber y tiramento di boter a despacha varios unidad policial pa e sitio.
Na yegada di patruya a topa cu un homber turista benta abou cu pia fractura y e sospechoso mes di agresion tabata na e sitio y a keda deteni di biaha. Polis a combersa cu algun security di club nocturno gusto y a duna polis nan splicacion kico a pasa. Ambulance a presenta unda paramedico a brinda asistencia medico y famianan di e victima a presenta.