Diadomingo den careda di 2’or di marduga pafo di La Barra situa na Bubali a surgi un problema di pareha cu a bay for di man unda personanan a informa cu dama a cay for di auto y ta herida.
Pero na yegada di polis a compronde for di un testigo cu tabata problema di pareha y cu e homber a subi auto y e dama a bay wanta pa drenta pero e homber a lastra e dama algun meter. Despues di e acto e homber a baha for di su auto pa bay wak e dama herida abou pa despues subi su auto bandona e sitio lagando su pareha benta abou. Ambulance tambe a acudi na e sitio y paramedico a brinda asistencia medico.