Diasabra anochi habitantenan di Blenchistraat a scucha basta desordo ta sali for di un cas unda dama ta grita un persona te hasta menase cu morto di dje y full su famia.
Patruya di Santa Cruz a acudi na e cas y constata cu berdad tin un dama cu a perde strea di nort den e cas kibrando tur cos, cu cautela polis a bay atende cune, mientras e dama su pareha tambe tabata t’ey pero ta un persona peligroso y mas patruya a presenta. E persona tabata stroba trabou di polis, mientras esun paden tabata menasa di mata tur hende den e cas. Polis a logra drenta y mande vloer detene mientras e otro homber a wak polis detene e dama y bira falso riba polis cuminsa stroba y tambe a keda deteni, ambos persona a keda transporta pa warda.