Internacional: Un Pedofil cu a sali liber despues di 11 aña for di prizon a wordo tira mata door di 5 bala di scopet un luna despues. Esaki a pasa na Italia.
Esaki a tuma lugar na juli aña pasa. E homber a wordo acusa di a abusa di dos mucha muhe, un di e mucha muhe nan aki, di 15 aña, a comete suicidio poco tempo despues.
Segun Polis tin posibilidad cu e tata di e mucha muhe aki a laga mata e Giuseppe Matarazzo di 55 aña di edad cu tawata un pastor.
Polis keto bay ta haci investigacion pa saca afo ken ta tras di e crimen aki. Tin 3 sospechoso, e tata di e mucha muhe y dos homber mas di 39 y 55 aña.
E famia di Matarazzo ta keda bisa cu Giuseppe ta inocente. Segun nan autoridad a condena Giuseppe sin DNA test y cu e a muri un morto cruel sin ta culpabel. Famia lo keda haci investigacion pa mustra cu e ta inocente.