FLORIDA, Merca- Richard Palmer, un homber Mericano di 26 aña, cera pa pedofilia, a purba paga un sicario e suma di 15 mil dollar pa mata e menor di cual el a abusa. Motibo di esaki tabata pa evita cu e menor lo declara contra di dje.
Segun informenan di polis di Florida, e homber lo a ofrece un auto deportivo na esun cu logra mata e mucha y miembronan di su famia. Palmer tabata kier pa e cas unda e menor ta biba wordo kima, pa asina evita cu nan por bay Corte, ya cu e no tabata kier a pasa resto di su vida den prizon.
Palmer lo a mishi cu e mucha, bahando su panty mientras cu e mucha tabata drumi na 2013. Mas despues, durante dia el a purba mishi cu e mucha su chan chan. E mesun aña el a wordo aresta, pero despues el a logra huy pa Ohio, di unda el a wordo manda pa Florida, antes di paga su fiansa.
E homber a planea e crimen di e menor despues di cu el a wordo cera na September 2017, pa a resisti na su aresto.
E plan di Palmer pa caba cu e victima a wordo frustra despues di a wordo reda door di otro preso, y un detective undercover a laga pasa pa e sicario.
Fuente: https://actualidad.rt.com