PENNSYLVANIA, Merca – “E tabata hinca su dede den nan curpa ora cu e muchanan tabata bin cerca dje pa griep of migraine”. Esaki ta e acusación cu tin contra di e dokter di 70 aña, acusa di a comete e abusonan na Merca pa mas di tres decada.
Un pediatra di Pennsylvania a wordo acusa di a abusa sexualmente di trinta menor di edad. Entre e presunto victimanan di e dokter Johnie Barto, di 70 aña, tin un baby di apenas di dos siman di naci.
E cargonan presenta na comienso di siman pa Ministerio Publico di e caso aki ta bisa cu e acusado lo a abusa tanto di mucha muhe como mucha homber entre e decada di 1980 y januari di e aña aki. Den su mayoría esaki a tuma luga den su consultorio den e condado di Cambria. Segun e acusasionnan, Bart tabata warda e mayornan sali for di e camber pa abusa di e victimanan, cu tabata muchanan di entre 8 y 12 aña, pero den algun caso e tabata uza su curpa pa tapa loke e tabata haciendo for di vista di e mayornan.
“Barto tabata mishi e pecho di su victimanan y tabata pone su mana riba e penis di un manera cu tabata indiscutiblemente inconsistente cu cualkier protocol medico”, según e oficina di fiscal, bisando cu e tabata hinca su dede “sin handschoen” den e genital di e mucha muhenan cu tabata “bin busca un tratamento contra un griep of un migraine”.
Den e descripcion di e caso, ta agrega cu “un mucha muhe chikito di apenas dos siman a wordo agredi sexualmente door di Barto, pone e mucha yora di dolor”. Barton a haci mal uzo di su posición como pediatra, segun e procurador general Josh Shapiro.
Den caso cu e wordo condena pa e acusacionnan aki, cu ta inclui violacion y multiple cargo di agresion indecente grave. Barto lo pasa e resto di su bida den prizon. Su fianza a wordo estableci na un miyon dollar, segun registronan hudicial.