Diaranson pasa di 6:15 mainta autoridad a keda informa cu poco pabou di e rotonde nobo den construccion na ex drive inn a sucede un accidente entre bus y un peaton. Polisnan ta presenta cu urgencia na e sitio y constata cu un peaton masculino a baha for di un bus chikito, pasa patras y yega subi caminda dilanti un bus grandi di Arubus bayendo ariba.
E bus a dal e peaton cu a crusa su dilanti, mucho e chauffeur di bus no por a haci maske na ultimo a purba desvia pero tabata laat. Paramedico di ambulance a traha cu e victima benta abou malamente herida y cu urgencia a bay cune hospital. Na hospital e informe ta drenta cu e persona no a logra y a fayece. Esaki a pone cu specialista di trafico y hefenan a presenta na e sitio. Como regla ora ta trata di accidente pisa a pone e chauffeur di bus supla y a supla 0 UGL cu ta indica nada di alcohol den su curpa. Personal di slachtofferhulp tambe a keda solicita.