GUIRIA, Venezuela – Petroleos de Venezuela (PDVSA) a informa e pais cu nan ta monitoreando den real time e desplasamento di e derame di 300 bari di combustibel proveniente di e refineria di Pointe-a-Pierre, di e empresa estatal Petrotrin, ubica den e Republica di Trinidad y Tobago.
E incidente a keda registra den e nacion Caribense dia 23 di April. Segun e nota di prensa difundi pa Petrotrin diamars dia 25 di maart, e producto derama tabata wordo lastra pa e corientenan di lama pa e area di e Golfo di Paria, estado Sucre.
Si ta bon e volumen derama ta menor, PDVSA a activa e Plan Nacional di Contingencia contra deramenan di Hidrocarburo, Zona 5, den caso cu e hidrocarburo yega na awanan Venezolano.
E empresa a precisa cu ta conta cu e ekipo y personal debidamente capacita pa atende oportunamente e incidente aki.
Di manera preventivo, ta wordo realisa reconocimentonan aereo pa evalua constantemente e desplasamento di e hidrocarburo y preveni su yegada na costanan Venezolano.
Fuente: http://www.onsa.org.ve