Lider di Partido Democracia Real a duna di conoce den conferencia di prensa cu PDR ta avansando den su ley iniciativa pa personanan por baha cu pension na un edad mas hoben, cu esun cu ta bay conta awor aki cu ta 65 aña.
Andin Bikker a bisa cu pa loke ta trata e opcion pa baha cu pension na un edad mas hoben PDR a bin cu un alternativa pa personanan cu kier baha na un edad mas hoben cu e edad aplicabel pa nan, sea 61, 62 te 65 y pronto un grupo grandi ta bay baha cu 65 so.
Bikker a bolbe bisa cu tin personanan den nos comunidad cu ta traha para henter dia, sea den construccion of otro, cu ta dificil pa rekeri di nan pa traha cinco aña mas. Bikker a comenta di e caso di Corsou cu nan tin e opcion aki cu e persona por baha cu su 61, 62, etc., pero e ta haya un rebaha ta mihor cu no haya nada.
Si un persona ta keda sin haya entrada entre 60 aña y su edad di pensioen y su curpa no ta duna e sigui traha, e ta bin bek pa Gobierno toch pasobra e tin cu dun’e onderstand, segun Andin Bikker.
Kiermen miho reglamente na un manera cu e persona aki at least por gosa di su pensioen. Pero hopi apelacion a bin riba Gobierno di Corsou pa e sistema aki, anto pa evita cu e fondo por belast cu e tipo di aplicacionnan aki bo ta bin cu un plafond. El a splica cu via un Actuaries por calcula cuanto persona por haci uso di e facilidad aki pa aña anto si bo constata cu bo a yega na e plafond, adicionalmente por bay wak via un medische keuring, ken enberdad tin mester di e facilidad akinan y ken kisas por traha un of dos aña mas y cu e por bin aplica e otro aña. Andin Bikker a menciona cu dialuna e minister a duna nan datonan crucial, pasobra nan no tabata sa cuanto persona, ora e ley a cambia, no ta bahando cu pensioen na e edad premira. Bikker a bisa cu nan a haya informacion cu for di 2015 te awor aki 544 persona no ta bahando cu pensioen na e edad premira cu ta 60. Esey kiermen cu 544 persona, SVb no tin nodo di duna nan pensioen y esaki ta un spaar p’e. PDR a haya un tipo di table te cu 2030 for di Actuaries cu ta personanan specialisa pa trata e analisis cu e datonan aki y otro factornan cu por a yega na calculacionnan di kico por ta e plafond por ehemplo, kico por ta e contenido di un alternativa asina. Bikker te kere cu tin un necesidad pa esaki den nos poblacion, esey PDR ta sinti pasobra a haya hopi apelacion pa traha riba e iniciativa aki y mester bisa cu e minister dialuna tabata hopi habri pa esaki y hopi simpatico pe, y el a pidi e lider di PDR pa manda e concepto di ley pe y e calculacionnan cu e Actuaris gratuitamente ta bezig cu na forma boluntario ta yudando PDR den esaki.