Tin 2 test disponibel aworaki pa COVID-19 y nos kier splica e diferencia:
PCR TEST:
E PCR Test ta e UNICO test cu por confirma cu bo tin COVID-19 aworaki. E ta wordo hasi door di tuma un sample di e material di e virus for di bo nanishi y garganta cu un swab. Un test positivo kiermen cu e persona ta infecta cu COVID-19 y mester wordo ISOLA imediatamente te ora e recupera
SEROLOGY TEST/TEST DI ANTICURPA
E serology test ta wordo hasi den sanger y ta detecta si e persona tin anticurpa contra COVID-19.
Un test positivo mayoria di biaha NO kiermen cu e persona tin e virus aworaki pero cu ela bin den contacto cu e virus den pasado
E ta wordo usa mane un manera pa screen cuanto hende den poblacion a bin den contacto cu COVID-19, e NO por confirma cu e virus ainda ta den e persona su curpa. Pa confirma esaki lo mester un PCR test adicionalmente
Di otro banda un test negativo NO kiermen cu e persona no por ta infecta cu e virus! Ta dura entre 1 pa 3 siman prome un persona traha anticurpa contra e virus y tin persona cu no ta traha anticurpa mes.
Pa conclui: si bo tin sintoma y si bo kier sa sigur si bo ta infecta cu COVID-19 aworaki, e unico manera pa hasi esaki ta cu un PCR (SWAB) test!!