FLORIDA, Merca- Polis di Palm Beach, Florida a anuncia e aresto di un muhe cu, disfraza na payaso, a mata e señora di su futuro casa na 1990. Mester a pasa casi 30 aña pa por a resolve e caso.
Sheila Keen Warren, di 54 aña, a wordo deteni pa e comisariado di e condado di Wahsington diamars ultimo despues cu el a wordo acusa pa e asesinato di Marlene Warren, segun un comunicado policial.
Segun e investigacion, e victima, Marlene Warren, tabata na cas den e ciudad di Wellington, hunto cu su yiu homber di 22 aña y amigonan di su yiu riba e mainta di 26 di Mei 1990.
Ora cu nan a caba di desayuna nan a ripara cu’n Chrysler blanco a para dilanti nan cas y un persona disfrasa na payasao a baha di e auto y a bay na e porta cu’n bouket di flor y un dos blaas.
marlene a habri e porta y ora cu nan a entreg’e e articulonan aki, testigonan a skucha un tiro. Marlene a cay na suela mientras cu e payaso a cana bay y subi e auto trankilamente. Marlene a wordo interna den hospital, unda el a muri dos dia despues di e tironan ricibi den su cara dos dia despues.
Durante e investigacion inicial detectivenan a sospecha di Sheila Keen, pero e no a wordo aresta. Specialistanan a sospecha incluso cu e tabata amante di Michael Warren, pero e falta di prueba y e nivel di tecnologia forense di e tempo ey a pone cu e investigacion a pega.
Na 2014, e comisario di e condado di Palm Beach a habri e caso di nobo, citando testigonan y a realisa un analisis di DNA nobo. Sheila Keen a casa cu e viudo di Marlene, Michael Warren na 2002. Nan tabata biba na Tennesse y a habri un restaurant.