Polis di Bario a tene un sesion di patruyahe preventivo den e areanan di Low y High Rise Hotel, entre 11 or y 45 di mainta y 1 or y 30 di merdia. Tambe nan a sigui cu e patruyahe preventivo den e e area di Ruby, Boroncana, Seroe Pela, Kurimiauw, Turibana, Alto Vista, Kapel Alto Vista, Costa Norte y banda di Arashi.
Patras di Lighthouse nan a bin encontra e auto V- 4264 (Jeep di Top Drive) cu tres turista aden, un tata cu dos yiu. E jeep a keda pega den e santo blanco. A purba saca esaki pero no a logra. A yama personal di Top Drive pa nan bin brinda asistencia. Polis di Bario a bay busca mama di e muchanan banda di California Lighthouse, ya cu e tabata tin mas di un hora ta wardando eynan ariba su famia. E no tabata sa di e sucedido cu nan auto di huur. E tabata hopi rabia, pero polis a papia cun’e pa e calma ya cu no tabata tin heridos. Personal di Top Drive a logra saca e jeep for di e santo blanco. E tata turista tabata desea di duna e polisnan un tip, pero polisnan a bis’e cu esaki no ta necesario.