Patruya di San Nicolas a actua lihe pa scapa bida di un mucha cu no tabata reacciona

Diahuebs parti merdia un patruya di San Nicolas riba e caminda principal di Savaneta tabata atendiendo cu un caso y a keda para pa un auto, unda un mama desespera a hala atencion di biaha di e oficial pidiendo ayudo. E oficialnan di biaha a bay wak kico ta pasando, mama na grito ta pidi ayudo cu su yiu no ta halando rosea mas.

E oficialnan no a basila e situacion y a pone e criatura y e mayor den e auto policial y cu zwaailight y sirena a bay direccion imsan cu e mucha cu no tabata reacciona. A notifica central di polis y imsan di biaha di e caso. Den menos cu 5 minuut a yega cu e criatura pariba. Dokternan tabata prepara caba y a drenta accion y cuminsa brinda asistencia medico. E mama tabata haci trabounan na un cas y a kita bista un rato di e mucha y despues di rato ta topa cu e mucha den pool no ta move. Asina a subi un auto pa no warda un ambulans cu lo bay tarda y bay pariba y danki dios a topa cu e polisnan na caminda y a hala nan atencion.

Un bon trabou y Pabien na e oficialnan di San Nicolas cu a actua lihe pa cu e ayudo di un mama den panico pa salba bida di su yiu, y unda e mucha a keda stabilisa na IMSAN.

Comments

comments