A puntra ministernan kico ta e opcionnan pa Universidad. E tereno di Colegio Frere Bonifacius ta un di e opcionnan. A papia tambe di Maria Convent cu ta disponibel, pero ta den un mal estado tambe. E ta na werki, segun Patrick Arends. No por drenta eynan awor aki, pero dos pa tres aña pasa y a wak’e. No por keda aden mas cu un minuut, pasobra e holo y sushedad ta asina hopi.
Despues a cera e luga, pero e ta den un mal estado cu mester hinca hopi placa den dje. Universidad a papia tambe riba e opcion di oficina di Post na Playa.
E cos ta cu tin diferente minister envolvi. Si ta papia di cua di e tereno of edificionan. Pa universidad ta importante pa sinta cu tur minister envolvi hunto y wak na ki decision por yega.
SKOA ta doño di e edificio di Colegio Frere Bonifacius. Si nan no kier otorga e edificio, Universidad no por haci nada. Pesey nan ta wak riba diferente opcion tambe. Segun Arends, nan ta bezig cu diferente opcion. Tin un draft riba papel pa un letter of intend hunto cu oficina di Post y minister di finansas pa wak si ta posibel pa haya e edificio ey, ora cu post sali bay na un edificio nobo.
Tin hopi cos cu mester wordo regla prome cu haci esey. Pa Universidad, 2017 ta e aña cu e decision mester wordo tuma.