LifeStyle: Ademas di su color cora bunita, patia tin hopi beneficio nan pa bo salud. E ta un fruta perfecto pa un dieet. E tin antioxidante, vitamina y mineral nan cu ta un beneficio grandi pa nos curason y pa evita enfermedad nan.
Patia a converti den un di fruta nan mas comi durante temporada di calor, danki na su sabor dushi, patia ta e fruta cu mas awa ta existi cu casi 93%. Pesey ta sugeri pa huza patia durante dieet pa baha peso. Ptia ta consisti di vitamina C, Vitamina A, Calcium, Potasium, Magnesium, entre otro mineral nan. Ademas di dushi, tin un balor hopi abou cu apenas 20 caloria pa 100 gram di patia.
Algun beneficio:
Pa e Curason;
E ta un fuente natural di L- Citrulina, un likido cu ta influi di un manera importante den salud cardiovascular y e ta transforma den L-Arginina. Un acido cu ta yuda den produccion di nutricion fundamental pa e mantenimiento di e musculo nan.
CONTRA CANCER
Tur loke un patia tin aden ta loke ta lucha contra varios tipo di cancer manera cancer di pecho, prostaat, matris y pulmon cu ta proteccion di e celula nan contra daño radical liber.
Sindrome di metabolismo.
Bebe juice di patia moli hunto cu e casca por reduci e riesgo di tin un metabolimso abou, pa mehora e nivel nan di sucu den sanger y e disfuncion di vet nan asocia cu e obesidad y e diabetes tipo 2.
Pa e bista.
E tin un vitamina A cu por yuda produci pigmento nan den e retina di wowo y ta protehe contra e degeneracion cu ta relaciona cu e edad. 3 procion pa dia por reduci e riesgo di enfermedad di wowo.
VIDA SEXUAL
Danki na e L-Citrulina ta promove e circulacion correcto di sanger den tur parti di e curpa. Y esey por ta un ayudo den parti intimo cu bo pareha.
Bunita color di “piel”
Su Vitamina A y C ta converti den un fruta cu por haci hopi cos. Ademas, danki na e poder di antioxidante y na e mayor parti di contenido di e patia ta un proteccion excelente contra rayo nan di UV
Hasi 8 glas di un bebida refrescante di patia cu menta y lamunchi:
- Latest
- Trending
