CHELYABINSK, Rusia- Un pastoor Ortodoxo a convence un feligres di su iglesia Anna Shestakova, di 78 aña, pa preste’e tur loke e tin gespaar y a disparce despues di a haya e placa.
E pastoor, Alexander Gruzlev, tabata keha na e miembro di su parokia cu e no por paga su hypotheek. Conmovi pa e problemanan economico cu e clerigo tabata pasando aden, e feligres, a skirbi un testament unda cu e pastoor lo ta e persona beneficia. Pero na mei ultimo e homber a logra convence e muhe devoto di saca tur su placa cu e tabata tin riba su cuenta di spaar, cu tabata rond di 600.000 rublo (9 mil dollar).
Segun e anciana, e pastoor, cu tabata pone corda “un pastoor di su niñez den su pueblo, specialmente ora cu e tabata canta”, e pidi’e e placa cu e promesa di dun’e bek ora cu e cancela e credito y bende e apartamento, pero en haci esaki nunca. Na luga di haci esaki, Gruzlev a cambia su number di telefon y a bay traha na otro parokia sin bisa e anciana nada. E anciana a conta e empleadonan di e banco, cu a purba convence di no haci esaki tabata mira e clerigo cu tabata cu e muhe na e momentonan ey, “como un ladron”.
Representantenan di Iglesia Ortodox den e region a comenta riba e situacion bisando cu e pensionista a entrega tur su placa cu e tabata tin gespaar pa boluntad propio como un donacion, y a agrega cu e pastoor lo ta incapaz di pag’e bek cu e sueldo di 220 dollar cu e ta gana. Despues di a califica e caso di “complica”, nan a considera cu e acusacionnan contra e clerigo tabata falta di prueba. Mientras tanto, e ancianao cu ta malo, apenas por cana y mester pidi limosna pa paga huur di e camber unda e ta biba.
Despues di a haya sa di e caso, Ministerio Publico di e distrito a apoya un solicitud di Shestakova pa recupera e fondonan considerando cu el a haci esaki bou di engaño.