ANKARA, Turkia- Un tribunal Turco a libera e pastoor Mericano deteni, Andrew Brunson, cu a wordo deteni pa supuesto vinculonan cu e golpi di Estado cu a faya contra di Erdogan di aña 2016.
Un tribunal Turco a condena e pastoor na 3 aña, un luna y 15 dia di prizon na e pastoor Mericano Andrew Brunson, acusa di vinculonan cu terorismo, pero a keda dictamina cu e prisonero no por sigui deteni ya cu e ta deteni desde october 2016.
E corte a anula tambe e prohibicion di biaha, pa cual Brunson lo por sali di biaha for di e pais, segun The New York Times.
Abogado di e pastoor, cita ariba Twitter, a afirma cu su cliente “ta un homber liber awo”y cu el a “bay cas caba” y a dirigi su mes pa aeropuerto. Di mes manera, el a señala cu Brunson tin pensa di apela e sentencia.
Andrew Brunson, originario di North Carolina y bibando na Turkia desde ya mas di 20 aña a wordo aresta na october 2016 despues di a wordo acusa di a apoya e intento di golpi di estado, cu segun autoridadnan Turco, a wordo planea for di Merca pa e clero Musulman di origen Turco Fethullah Gulen.
E caso di Brunson tabata un di e principal causantenan di tensionnan entre Washington y Ankara bira pio.