LIMA PERU – Un pastoor Evangelico na Peru a yama durante su servicio religioso pa mata e homosexualnan pasobra nan no ta obra di Dios y Ministerio Publico a habri un investigacion pa instigacion na homicidio.
E predicashi di pastoor Rodolfo Gonzalez Cruz, ciudadano Cubano lider di e Movimiento Misionero Mundial na Peru, a wordo graba siman pasa y difundi pa e corant La Republica.
Den dje, e tabata yama su fielnan na participa den un marcha contra e politica educativa di e Gobierno den considera cu bao di enseñansa di “igualdad di genero”, ta busca na disfrasa un promocion di homosexualidad.
“E homosexualnan mester muri mescos cu e corupto, ateonan, pasobra nan no ta obra di Dios. Si boso haya dos muhe ta haci sex, mata nan dos y si boso haya un muh’e teniendo sexo cu un animal, mata e muhe y mata e animal (…) den nomber di Hesus,” Gonzalez a exhorta.
“Pueblo Peruano, para, sali riba caya y demostra cu e porkeria yama ideologia di genero, no ta parti di nos Peru stima, saca e hendenan aki cu kier distrui e niñez y futuro di Peru,” el a sostena.
Riba su cuenta di Facebook, Movimiento Misionero Mundial a publica dialuna un comunicado camidna cu e pastoor ta sigura cu “e frasenan cu ta wordo scucha di e grabacion di parti di su predicashi, ta den contexto cu e mandamentonan di Testament Bieu, caminda cu Dios a menciona e penanan pa inmoralidad sexual (…) e bon nobo pa tur ser humano ta cu ya nos no ta biba bao di leynan di Testament Bieu.”
Gonzalez a bisa cu e ta “reafirma den respet absoluto pa bida di tur ser humano,” y cu “lo ta un honor y privilegio duna defensa di nos fe den cortenan humano, conciente di cu riba tur autoridad terenal ta existi un Hues kende nos tur nos lo tin cu rindi cuenta algun dia.”
Ministerio Publico a informa dialuna na prensa cu a habri un investigacion pa presunto instigacion masivo na comete delito contra e bida, curpa y salud di persona y pa descriminacion.
Diasabra, miles di personanan impulsa pa organisacionnan conservador, a manifesta contra di e politica educativo di e Gobierno, pa presuntamente promove e “ideologia di genero” den scol.
“Homosexualidad no ta wordo siña; si por siña homofobia(..) Solamente nos ta siña igualdad di derecho y obligacion,” e minister di Educacion, Marilu Martens, diaranson den un mensahe caminda cu el a nenga e existencia di e concepto di “ideologia di genero”, den e curiculo Peruano.
Fuente: El Espectador