CIUDAD DE MEXICO- Un pastoor catolico di 58 aña a wordo deteni diabierna pa presunto abuso sexual contra di un mucha di 12 aña. E tabata duna e hobencita lesnan di catecismo den e capital, segun informenan.
E hechonan aki a sosode diaranson pa 7 or di anochi (hora local) den e interior di un misa catolico den e colonia di Buenos Aires, den e capital Mexicano. Despues di a wordo agredi sexualmente, e mucha a bay su cas pa splica su mama loke a pasa.
“Mediante mentira, e pastoor a hiba e mucha na su oficina di e misa unda el a abusa di dje sexualment”, Ministerio Publico di e ciudad di Mexico den un comunicado publica diabierna. “Te ora cu e caso no wordo resolvi, e pastoor aki lo stop di eherce su funcion actual ‘ad cautelam'”, e comunicado ta sigui bisa,
E pastoor a wordo deteni y poni na disposicion di e Fiscalia Central di Investigacion pa Atencion di Delitonan Sexual. E ta wordo acusa di abuso sexual grave na un persona menor di 12 aña.
Fuente: https://actualidad.rt.com