Passions on the Beach ta uni forsa cu Mary Joan Foundation Aruba durante luna di Oktober, e luna di conscientisacion di cancer na pecho.
Entre 1 di October y 31 di October, bo tin e oportunidad di pidi e menu ‘Passion For Pink” cu ta ofrece un opcion saludabel pa desayuno y pa cena. Cada biaha cu e menu aki wordo cumpra, un parti di e benta lo wordo entrega na Mary Joan Foundation Aruba y bo lo ricibi un pin di e fundacion como muestra di gradicimento.
E meta di Mary Joan Foundation Aruba ta pa sirbi comunidad dor di crea conscientisacion di cancer na pecho, duna sosten emocional, psicologico, mental y spiritual na esnan cu ta sufri di e enfermedad aki hunto cu nan famia y amistadnan como tambe duna sosten na esnan cu a sobrevivi e enfermedad aki.
Ta rekeri pa haci reservacion pa Passions on the Beach na www.OpenTable.com. Passions on the Beach ta habri di Diahuebs pa Diadomingo pa desayuno entre 7:30 AM te cu 11:00 AM y pa cena cuminsando 5:30 PM. Passions on the Beach ta situa dilanti di Amsterdam Manor Beach Resort na Eagle Beach.