Desde 2013, tur aña dia 20 di maart ta celebra “International Day of Happiness”, pues dia Internacional di Felicidad. Amsterdam Manor Beach Resort tin algun aña ta observa y participa activamente na diferente campaña relaciona cu e dia aki considerando cu Aruba ta e “One Happy Island”.
E aña aki, nos restaurant, Passions on the Beach lo ta e centro di felicidad pa un bon causa: Stichting Kinderhuis Imeldahof.
Entre 1 di maart y 31 di maart, bo tin e oportunidad pa pidi e menu “March Happiness” cu ta consisti di opcion saludabel y dushi pa desayuno, almuerso y pa cena. Cada biaha cu e menu aki wordo cumpra, parti di e benta lo wordo entrega na Stichting Kinderhuis Imeldahof.
E meta di Stichting Kinderhuis Imeldahof ta pa ofrece un cas temporal y guia pa muchanan cu pa diferente motibo, no por keda na nan propio cas. Den mayoria caso e muchanan ta keda na e fundacion te ora cu nan por haya un lugar permanente di biba sea cerca nan propio famia, of un famia cu a adopta nan.
Pa disfruta di nos “March Happiness” menu y asina contribui cu Stichting Kinderhuis Imeldahof ta rekeri pa hasi reservacion na Passions on the Beach na 527-1100, [email protected] of www.OpenTable.com.
Passions on the Beach ta habri tur dia pa desayuno, almuerso y cena entre 7:30 AM y 11:00 PM. Passions on the Beach ta situa dilanti di Amsterdam Manor Beach Resort na Eagle Beach.