Sharon Arends ta splica riba un poster cu AZV tin ta informa tur pashent ora nan yega un boticia, di con e proseso lo cuminsa den luna di Juli pa loke ta e suministro di prome biaha di Remedi. Tur hende cu mira e poster, por wak kico un pashent por spera ora di busca remedi prome biaha na botica.
E poster ta haci’e un tiki mas simpel pa tur hende wak kico e ta. Tin di stap 1 te cu stap 10, kico e pashent por spera e prome biaha cu e ta busca un remedi. Asina cu e pashent yega botica cu recept, cu e wordo acepta door di asistente di boticario, e receta lo wordo hinca den e pashent su historial y asina su file lo wordo updated.
E asistent di boticario ta check si e remedi ta safe pa e pashent. Tambe nan ta check si e remedinan ta bay bon cu e otro remedinan cu e pashent ta tumando. Nan lo check tambe si e dosis ta corecto, en caso cu tin cualkier discrepancia entre dosis, interaccion di otro remedinan, e asistente di boticario ta tuma contacto cu e dokter cu a skirbi e receta. Despues di un di dos asistente lo tuma over e receta aki y controla tur cos atrobe. E ora eynan, ora cu bay entrega e remedinan aki na e pashent, e lo duna e splicacion tocante di e funcionamento di e remedi, e efectonan secundario y con precies e pashent a uza e remedi. E pashent lo bay tin chens pa haci pregunta na e asistente con pa tuma su remedi, con pa ward’e, con pa tuma su remedi mas optimalmente posibel. E bon orario pa tum’e etc. E ora e pashent lo firma cu el a ricibi tur e informacion aki riba e receta y asina e receta aki lo wordo controla na final door di e boticario.
E meta ta pa bo no desperdicia remedi. Hopi pashent cu ta haya remedinan pa malesanan cronico, pashentnan ta haya remedi pa 3 luna. Si nan tin un side effect, un alergia of interaccion, e 90 dianan aki ta bay wordo dispidi. Pesey ta importante pa nan haya pa prome biaha, pa un luna cu e splicacion di e efectonan secundario pa nan sa kico nan por spera pa si en caso esey pasa, pa tuma contacto bek cu e boticario. E ora nan ta tuma contacto cu e dokter, of nan mes por tuma contacto cu nan dokter di cas, pa e ora e remedi wordo ahusta of cambia.