Central di Polis ta manda un patruya di Santa Cruz pa un consultorio di dokter na Santa Cruz, pa un homber cu a bira agresivo ariba e dokter. Na e sitio polisnan ta papia cu e homber S. E ta declara cu dies minuut pasa, el a pidi e personal di e consultorio pa habri e oficina pa asina e pashentnan por drenta paden y no mester keda warda den calor di e solo. E ta sigui bisa cu’n rato prome e dokter mes a yega y el a acera e dokter na un manera calmo y amabel. Polisnan a papia tambe cu e personal, cu a declara cu e S. a cuminsa bati ariba e porta y cuminsa grita palabra malo. E dokter ta declara cu ora el a yega el a wordo acera pa S. El a bisa S. cu e lo no bay drenta den un discusion cun’e. Polisnan a atende cu S. tocante su actitud pa cual el a mustra comprension. Central di Polis a wordo poni na altura di esaki.