LOS ANGELES, California – Un dispositivo chikito a haci e milager: un homber a logra move su pianan di nobo, paralisa pa un lesion medular.
Investigadornan a uza un stimulacion electrico riba e medula espinal y fisioterapia intenso pa yuda un homber boluntariamente move su pianan paralisa, para y haci movimientonan similar na paso pa prome biaha den tres aña.
E caso aki ta e resultado di un colaboracion entre investigadonan di Mayo Clinic y e Universidad di California na Los Angeles y a wordo publica den e revista Mayo Clinic Proceedings.
Investigadornan a bisa cu e resultadonan aki ta aporta na mas prueba respecto pa combina e tecnologia aki cu e rehabilitacion por yuda pashent cu lesionnan na e medula espinal na recupera e control di movimiento cu prome tabata paralisa manera esnan similar na cana, controla ekilibrio y para.
“Nos ta realmente emociona pasobra e resultadonan a supera e expectativanan.
Aunke e resultadonan aki ta inicial, e pashent ta sigui progresa,” e neurociruhano kendall Lee, investigador principal di e estudio y director di e Laboratorio pa Ingenieria Neutral di Mayor Clinic,a bisa.
E pashent di 26 aña a lesiona e medula espinal den e di seis vertebra toracico, o sea mida di e lomba, tres aña pasa. El a wordo diagnostica cu lesion motora total di e medula espinal, loke ta nifica cu eno por move, ni sinti nada desde e mita di e torso.
E estudio a cuminsa cu 22 siman di fisioterapia pa e pashent, componi pa tres sesion di entrenamento pa siman pa prepara e musculonan cu e fin di purba haci cosnan durante e stimulacion di e medula espinal. A haci prueba cu regularidad pa mira e cambionan. Algun resultado a haci cu e investigadonan a cualifica mas profundo e lesion y a yamanan incompleto, loke ta sugeri e posibilidad pa keda cu conexionnan drumi.
Despues di fisioterapia, a opera e pashent paimplanta un electrodo den e espacio epidural cerca di e medula espinal, bao di e area lesiona. E electrodo ta conecta na un dispositivo cu ta wordo controla pa un computer y ta bao di e cuero di e abdomen di e pashent. Mayo Clinic a ricibi autorisacion di e Administracion di Alimento y medicamento di Merca pa e uzo alterno di e dispositivo aki cu ta manda un coriente electrico na e medula espinal cu e fin di permiti e pashent produci movimiento.
Tras un periodo di recuperacion di e cirugia di tres siman, e pashent a reanuda e fisioterapia y a ahusta e configuracion di stimulacion pa permiti’e movimiento. Den e prome dos simannan, e pashent boluntariamente por a controla e musculonan mientras e tabata drumi di banda, loke a deriva den movimientonan di e pianan; haci movimientonan parecido na paso, tanto drumi di banda como den e posicion para cu ayudo y sosten di e pia riba su mes, wantando na e bara cu e brasanan pa ekilibra su mes.
Haci un movimiento boluntario of intenciona ta nifica cu e celebro di e pashent ta manda un señal na e neuronanan motorico di e medula espinal pa e move e pianan deliberadamente.
“Esey realmente a marca e paso di e rehabilitacion poskirurgico, pasobra a purba di uza e funcion recupera pa e pashent pa impulsa ainda mas e recuperacion di e capacidadnan,” Kristin Zhao, a bisa, kende ta otro investigado principal y directora di e Laboratorio di Tecnologia di Asistencia y Restablecimento di Mayo Clinic.
E investigadonan di Mayo a traha estrechamente cu e ekipo di Reggie Edgerton, dokter den investigacion na UCLA pa e estudio aki cu a reproduci e investigacion anterior realisa na e Universidad di Louisville. E estudio di Mayo ta marca e prome biaha cu un pashent ta logra ocntrola boluntariamente funcionnan prome paralisa dentro di e transcurso di e prome dos simannan desde e stimulacion.
E datonan plantea cu personanan cu lesionnan incompleto di e medula espinal por ta apto pa e terapia di stimulacion epidural.
No obstante, ta necesario investiga mas acerca di con ta contribui un lesion incompleto na e recuperacion di e funcionnan.
“Apesar cu e resultadonan aki ta inicial, ta atestigua e incansabel lucha di e investigadonan di Mayo Clinic pa descubri y haya solucionnan innovador pa e necesidadnan no atendi di e pashentnan. E ekiponan aki ta destaca pa e incomparabel cultura di colaboracion di Mayo Clinic cu ta uni cientifico y mediconan experto pa traha banda di otro den acelera e conversion di e descubrimentonan cientifico den avancenan fundamental di e atencion medico, Gregory Gores, decano ehecutivo di investigacion na Mayo Clinic, a comenta.
Fuente: El Universal