ESCOSIA – Polis na Escosia ta haciendo un investigacio riba un hoben di 19 aña cu segun e, ta sufriendo di un malesa serio. E “pashent hoben di cancer’, durante e ultimo lunanan a wordo yuda door di un instituto caritativo, pero e fundacion aki a cuminsa duda riba e seriedad di e situacion. “Teribel”, e mama a bisa di e acusacionnan.
Segun e mama, Eli Stewart a wordo menasa cu morto, desde cu e institucion caritativo Clutha Trust a cuestiona e seriedad di e situacio den medionan Britanico. E fundacion a haci hopi e ultimo aña pa Stewart. El a haya un guitara caro como regalo, a participa na varios accion di coleccion di placa pa hobennan malo y a bay cu Clutha Trust di biahe pa Belfast. Naturalmente sin ningun costo algun.
Tur clase di bandera cora
Sinembargo a bin un kiebro entre e partidonan. E fundacion a kibra e contracto cu Stewart despues cu su storia a bira mas serio. Stewart a conta e fundacion cu e tabata tin solamente seis luna di bida tempo cu el a drenta den contacto cu e fundacion. “El a cuminsa cu cancer, despues epilepsia a bin acerca y recientemente tambe un transplante di curason. E ora tur alarma a bay on,” e fundado di Clutha Trust. E ta di opinion cu Steward ta kita e atencion for di hobennan cu si “ta sufri realmente di cancer.”
E mama di Eli Stewart a reacciona furioso den Telegraph. El a bisa cu su yiu homber, cuater aña pasa, a haya sa cu e tin cancer di weso. El a conta tambe cu polis a priminti’e cu no lo bin ningun keho.
Hoben fragil
Segun e mama, su yiu homber ta un “hoben fragil,” cu tambe ta sufri di e sindrome di Asperger y “ta bayendo hopi bon” cun’e. Polis a confirma cu nan a ricibi un keho contra di Stewart.
Esaki ta wordo investiga, un vocero a bisa Telegraph.
Fuente: De Telegraaf