Edmundo Marlin di sindicato SEPPA tabata presente awe na un otro accion pa sostene empleadonan di Ambiente Feliz. Ta asina cu for di cumisamento di januari, e empleadonan di Ambiente Feliz a informa SEPPA cu nan no a cobra nan Bashi Premie cual normalmente lo mester wordo paga dia 10 y no a tuma lugar. SEPPA a cuminsa acerca gobierno riba e parti aki cu lo mester wordo regla pa asina e trahadornan cobra nan Bashi Premie.
“Ya caba tin mas cu dos siman bezig cu e situacion aki y trahadonan nan pasenshi a cuminsa caba,” segun sr. Marlin ta expresa. Nos ta yegando fin di luna y ainda trahadonan no a ricibi nan bashi premie, p’esey e trahadornan a Sali afo diabierna mainta pa un ora y mustra nan mal contento pasobra te ainda nan no a ricibi nan pago. E plan ta aworaki pa mustra gobierno cu e trahadornan aki ta sinti nan mes laga un banda pasobra te ainda tur otro lo a cobra bashi premie, menos nan. “Y nan ta pidiendo gobierno pa regla esaki mas pronto posibel.”
E placa mester tabata t’ey caba anto esaki no a pasa. Segun SEPPA, tin diferente cosnan ta pasando riba nos isla y ta hopi importante pa e parti di cuido wordo atendi cu ne mas optimal posibel, pasobra e sindicato ta bisa di ta hayando hopi keho for di diferente caminda cu tin problemanan. “Anto e problemanan aki nos tin cu atende cu nan cu cada bestuur di cada un di e fundacionnan aki.”