Dialuna merdia a socede un accidente cu hende herida ariba e caminda di green corridor Ser’i Teishiora un auto a dal basta duro contra esun su dilanti. Un Kia Picanto cu chauffeur y pasahero ambos muhe a keda levemente herida despues di a dal tras di un Ford Explorer. Por a nota cu e wind shield di e Kia Picanto a ricibi daño na e banda di pasahero for di paden cu kiermen e pasahero no tabata tin safetybelt bisti y a dal su cabes contra esaki.
Daño material riba e Ford Explorer no tabata mucho, pero e Kia Picanto si a ricibi basta daño material na su parti dilanti. Polis di trafico a presenta pa atende cu persona nan envolvi y ambulance a presenta pa atende es nan cu a keda herida.