MELBOURNE, Australia- Un avion di Malaysia Airlines forsosamente mester a bolbe bek pa e airport di Melbourne, despues cu un pasahero a purba drenta e cockpit.
Vuelo MH128, cu destinacion Kuala Lumpur, mester a bolbe bek pa Melbourne pa motibo di un “pasahero rebelde”, segun un comunicado di e aerolinea.
Segun e aerolinea e vuelo a aterisa sano y salvo y e pasahero a wordo aresta. E pasahero a bisa di tabata tin explosivonan cun’e.
Pero segun e Minister di Transport di Malaysia Abdul Aziz bin Kaprawi a bisa cu no tabata un bom, pero un “powerban”.
Segun ta parce cu e pasahero tabata burachi, pero el a wordo controla door di e personal.
Pasaheronan a bandona a avion sano y salvo y lo mester pasa un screening di parti di autoridadnan Australiano, segun un comunicado di Malaysia Airlines.
Tanto e aerolinea como autoridadnan Australiano lo haci nan investigacion.
E comunicado di Malaysia Airlines a bisa cu e Airbus A330 tabata den laira pa solamente 30 minuut, di e 8 horanan di vuelo prome cu e aterisahe.
Fuente: www.bbc.com