Polis Maritimo ta wordo poni door di e Hefe di Siguridad di Monarch of The Seas cu nan lo tin un incidente a bordo di e barco, cual a sosode den awanan internacional. Door di nan polisa nan lo mester atende cu esaki cu autoridadnan local. Riba nan ruta di Cartagena pa Aruba nan a haya un melding di un personal di Housekeeper cu ta bisa di a haya holo di marihuana na altura di cabina 3537. Door di esaki e capitan a duna ordo pa controla cabina 3537. Den e cabina aki ta bin haya e homber D.M.P. naci na Colombia, di 17 aña cu a declara cu e tabata humando un sigaria di marihuana. Durante control a bin haya 3 pildo Ecstasy, 6 pildo LSD y un sakito chikito cu marihuana. DMP a declara tambe cu tur e droganan aki tabata di dje y cu tabata pa su uzo propio. E capitan di dicho barco a bisa di lo tuma paso contra e pasahero aki.