Sra. Els van Hommelen, directora di Stichting Verstandelijke Gehandicapten Aruba a elabora ariba e desaroyo di e fundacion despues di cu el a kima na augustus aña pasa.
Stichting Verstandelijke Gehandicapten tin 5 departamento. Nan tin Pasadia Briyo di Solo, cu ta un pasadia pa adultonan cu ta bin tur dia den siman, tambe tin Centro Man na Obra cu tambe pa adulto. Nan tin Pasadia Bibito Pin cu ta un scol pa mucha te cu 16 – 18 aña, tambe tin Dunun Man, cu ta un scol pa muchanan cu tin problema cu siñamento. Por ultimo tin Cas Sjabururi, unda cu hendenan special ta biba. Ta tur dia nan ta ricibi mas o menos 250 cliente, cu ta bishitanan.
Den e aña escolar aki, e scolnan ta varia segun departamento. Bibito Pin a cuminsa dialuna 13 di augustus y Dunun Man a cuminsa mescos cu tur otro scol, dia 16 di augustus. Briyo di Solo tambe a cuminsa diahuebs siman pasa. Y Centro Man na Obra a cumisna dialuna ultimo pa nan aña escolar nobo, brindando atencion na nan clientenan. Pero e docentenan a cuminsa prome cu esey caba, preparando pa ricibi nan clientenan.
E team di Pasadia Briyo di Solo a sali en busca di donacion, y hunto cu loke nan a haya di seguro, tur nan a pone hunto pa nan pone Briyo di Solo bek manera cu e ta.
Pa loke te material, nan a haya ayudo di Cede Aruba pa nan por a duna continuidad pa cu e servicio na nan clientenan.