For di aña 1958, diahuebs despues di 64 aña cu Web Aruba nv a usa boiler pa produci coriente a paga esaki pa semper pa 3:20 atardi a finalisa usando e horn como despedida. Web Aruba tabatin un total di 7 boiler y turbina.
Na aña 2006 Web Aruba a cuminsa cu e prome fase di motornan recip cu tabata mihor cu boilernan den loke ta produccion di coriente y si dal un blackout esaki ta cende lihe bek compara cu boiler. Motornan recip ta produci algo di 24 megawatt, y asina dura aña a keda kita 1 pa 2 boiler for di servicio.
Ultimo añanan a usa menos cu 4 boiler debi cu tur e otronan a keda afgekeurd door di DTI, ultimo lunanan DTI a duna aviso na web cu e ultimo 2 boilernan tin tanto tempo mas pa keda den servicio.
Esaki a pone cu Web a traha fase 4 di loke ta motornan recip, y actualmente tin 16 motor recip. Siman aki fase 4 cu ta e nobo a trip unda fire alarma a pone cu servicionan a paga y a pone mitar Aruba sin coriente unda nos a conoce un brown out, pero a logra di soluciona esaki basta liher.
Ultimo luna tabatin 1 boiler y 1 turbina den servicio cu tabata producto algo di 15 pa maximo 20 Mw, cu e 16 motor recipnan.
Segun informacionnan cu Web a tuma nota cu e motornan recip ta bayendo den bon direccion y a bira oficial cu 3 di November 2022 pa 3:30 atardi a paga e ultimo boiler y turbina pa semper.
Momento cu a paga esaki motor recip a trip un rato pero a logra di domina esaki, ya cu aki bo ta perde algo di 15 Mw y tin cu usa mas capacidad di motornan recip.
Durante dianan lo mira con ta bayendo na Web sin cu boilernan cu no ta den servicio mas unda esaki ta pasa pa historia.