Diasbara mainta net na e crusada na Koyari poco pabou di Italo ta sosode un accidente fuerte frontal entre dos auto, polisnan y ambulancenan a keda mobilisa di biaha debi cu tabatin varios hende herida.
Na yegada di patruya ta topa cu un toyota rush y un nissan skyline basta destrui. Den autonan tabatin mucha chikito envolvi y un hende grandi, dos unidad di ambulance a presenta pa brinda asistencia na tur hende den e suv toyota.
Polis a compronde despues di un investigacion cu e chauffeur hoben den e skyline a bay pasa auto cu tabata lastra boto y a dal basta duro frontal den e toyota rush cu tabata bayendo zuid.
Ambos auto a keda totallos, na final takelwagen a bay cu e autonan pa nan destino.
