KASTELLAUN, Alemania – E organisacion di e festival techno Nature One den vecindario di Kastellaun, Alemania, riba e anochi di diasabra a wordo sacudi pa un parto y un caso di morto. Na prome instante, un muhe hoben, aparentemente sin ningun ayudo, a trece un yiu muhe na mundo den su tent. E mama, a conta cu e no tabata sa cu e tabata na estado, a meld cu su baby na un post di prome auxilio. El a wordo hiba hospital pa tratamento medico. Ambos ta den bon estado di salud.
Despues un hoben di 20 aña a fayece, despues di a perde conocemento. Dokter di emergencia no a logra di reanim’e. Motibo di morto no ta conoci, pero polis no ta descarta un crimen.
E di 23 edicion di festival di musica riba un antiguo base di ehercito Mericano, tabata tin bishita di 56 mil bishitante.
Fuente: www.telegraaf.nl