• Latest

Partidonan nobo di hoben no ta wordo tuma na serio?

8 October, 2020

Basta cadushi a cay riba caminda na Moko

28 March, 2023

Polis bon prepara pa semana santa

28 March, 2023

Resultado di sorteo di number anochi 28 di maart 2023

28 March, 2023
 

Minister Endy Croes a reuni cu presidente di Aruba taekwondo association sr. Moises Fernandez

28 March, 2023

Marco Berlis (MEP): Caso Diamante ta e ehempel perfecto pakico integridad mester keda reenforsa den Parlamento

28 March, 2023

Minister di Huticia Curacao: Ta canando e ley lihe pa Balon bira ilegal

28 March, 2023

Pronostico di tempo valido te diaranson 29 di maart 2023

28 March, 2023

DVG ta enbusca di encuestador y prikker pa yuda cu investigacion di salud national STEPS

28 March, 2023

Aruba su seleccion nacional di Futbol ta perde 2-0 di St Kitts

28 March, 2023

Prome Minister Evelyn Wever-Croes: E acuerdo firma entre gobierno di Aruba y Jaxport lo conduci na rebaho di gastonan di importacion

28 March, 2023
  • About Us
  • Contact Us
Wednesday, March 29, 2023
  • Login
Tur Caminda, Tur Moment. Masnoticia
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
Tur Caminda, Tur Moment. Masnoticia
No Result
View All Result
Home Opinion Publico

Partidonan nobo di hoben no ta wordo tuma na serio?

8 October, 2020
in Opinion Publico, Politica
0 0
0
Share on FacebookShare on Twitter

Ken por a imagina cu ya caba nos lo a cuminsa drenta den e ambiente di campaña politico un aña prome cu nos siguiente eleccion, den un forma tan colorido manera esaki. Y nos no ta papiando di sticker of bandera geel y berde circulando tur caminda, ta partidonan nobo ta esunnan cu a tuma e iniciativa pa kick-start campaña electoral prome, den un forma bastante interesante uzando rednan social.

Den pleno pandemia, Aruba a conoce un partido nobo cu a anuncia nan mes oficialmente riba 28 di juli 2020 bao nomber di HTC – Hubentud Treciendo Cambio. Manera conoci, esaki ta un partido nobo cu ta considera nan mes ‘fresco y hoben, haciendo esaki completamente boluntario y di curason.’ Riba rednan social por tuma nota tog cu tin algun hende ta comenta cu mester duna e hobennan aki un chens, nan merece un oportunidad, claro.

Partido HTC registra oficialmente na Conseho Electoral di Aruba

Sinembargo, locual ta remarkabel ta cu cada biaha e hobennan aki bini dilanti sea cu un video nobo of rueda di prensa, por tuma nota cu un gran mayoria di hende no ta tumando e partido aki mucho na serio. Mala fama tambe ta fama? Esaki ta conta tambe den e caso aki manera algo positivo cu ta traha na nan beneficio? Ken sa. Manera nan strategia recien di publica videonan corto riba nan pagina di Facebook, un strategia cu hopi a considera bastante agresivo a base di nan manera di papia. Varios hende ta haciendo joke di esakinan.

El a cuminsa na nan prome rueda di prensa oficial, te awo na videonan Live of entrevistanan cu nan ta haci, ta parce cu no ta muchu hende ta tumando e hobennan aki na serio.

Dicon nos ta bisa esaki? Wel, na prome luga, e cantidad di ‘memes’ y videonan satirico cu ta circula rond di medionan social ta mustra di ta hayando hopi mas atencion cu e seriedad cu e hobennan aki kier refleha den nan decision pa drenta den e arena politico. E hobennan aki ta bisa cu esaki tabata un decision dificil pa nan como hoben pa tuma e paso aki, pa “tuma e rumbo corecto pa Aruba y naturalmente ricibi e confiansa di pueblo.’

Y ta con un partido politico nobo ta gana confiansa di un pueblo? HTC por ehempel a cuminsa ta bisa cu nan no ta para pa e manera tradicional di politica, pero ya caba a laga traha T-Shirt, y print nan famoso frase ‘bril ciego bo tin’ riba un pechi. Contradictorio? Kisas.

Pero nos tin cu para keto un rato y ripara cu berdaderamente nos pueblo ta birando hopi mas consciente di politica y asuntonan gubernamental riba nos isla, of wel, den otro palabra, hopi di nos hendenan ta cansa di e mesun promesanan y sistema politico cu nos a biba pa hopi aña.

Nos a scucha y mira casi tur cos caba. Pero, nos ta hopi mas habri pa mira kende lo bin cu e curashi, conocemento, sabiduria, esfuerso y tur otro combinacion di rekesitonan cu lo convence nos cu nan lo merece nos voto pa di berdad hiba nos pais dilanti. E speransa t’ey, apesar cu awor ta mustra cu politiconan y mandatarionan lo mester traha un tiki extra duro riba esey mirando e reputacion cu nan tin awor riba nos isla. E confiansa no ta mucho waw.

“Nos ta scucha pueblo! Pueblo kier cambio!”
Ora cu nos manera pueblo ta mira personanan cu ta Sali afo cu curashi pa representa nos, e ta semper asina cu nos kier mira tambe si den realidad e personanan aki ta apto; kico bo a logra caba cu bo por demostra bo produci resultadonan productivo? Kico ta bo ideanan, bo fuentenan of recursonan, den kico bo tin experiencia y/of lo kier aporta y con bo lo kier haci esaki? Ta varios pregunta ta lanta na mesun tempo ora bo mira e tipo di cosnan cu nos ta mirando ultimamente ta naciendo den nos politica Arubano, y no ta necesariamente pasobra cu e partidonan nobo aki ta consisti di hoben kiermen cu nos no mester tuma nan na serio tampoco.

Semper ta bon pa scucha, analisa, y purba na compronde pa otro, claro.

Pero na otro banda, mescos cualkier funcion cu bo kier eherce, abo mester tambe percura cu bo ta bon prepara p’e cu e conocementonan necesario, no solamente pa bo berdaderamente por wordo tuma na serio den loke bo ta haci, pero pa sigura cu di berdad bo ta bay haci algo y cu bo tin e capacidad di haci e. Na final di dia, ni mas cu bo grita den bo videonan, ripiti palabranan bunita den ruedanan di prensa manera tur otro politico semper a sa di haci, print t-shirt pa bo siguidornan, promete shelo y tera, ta bo actonan ta locual lo resalta, no loke bo ta papia.

E hobennan cu ta drentando e arena politico awor na Aruba por wel di tin bon intencion – nos ta spera – y p’esey ta semper bon pa keda positivo y desea nan tur cos bon riba nan caminda.

Mundo di politica ta cruel, y realidad di bida ta cu bo mester ta bon sigur di bo mes y bon prepara pa enfrenta tur reto cu bo ta bay confronta ora bo dicidi di cana e caminda aki, manera nan sa bisa ‘wak pa bo tin un lomba hancho.’ Nos ta desea tur hoben y partido nobo exito y hopi suerte, algo cu kisas algun di nan lo mester hopi di dje!

 

 

 

Previous Post

FADA su Siman di Bisti na Locura cu un dia dedica na nos Frontliners e aña aki

Next Post

Parlamentario Edgard Vrolijk (MEP): Un minister ta cay bou di e descripcion di MOT como un persona PEP

Related Posts

Politica

Marco Berlis (MEP): Caso Diamante ta e ehempel perfecto pakico integridad mester keda reenforsa den Parlamento

28 March, 2023
Politica

Partido MEP: Decision di Evelyn Wever Croes pa baha gobierno na 2021 tabata esun corecto

25 March, 2023
Politica

Parlamentario Ricky Hoek (MEP): Berdad nunca tin espacio den AVP

23 March, 2023
Politica

Hendrik Tevreden (MEP): Ni AVP, ni De Meza kier scapa Briesen, OM a desconseha Gabinete Eman-II pa sigui cu e caso

20 March, 2023
Politica

Ryçond Santos do Nascimento (AVP): No ta contento di erornan di Mike de Meza den Parlamento

19 March, 2023
Politica

Gerlin Croes AVP den Parlamento: Pone tur esnan responsabel paga e gastonan aki y no e pueblo

17 March, 2023
Next Post

Parlamentario Edgard Vrolijk (MEP): Un minister ta cay bou di e descripcion di MOT como un persona PEP

Radio Mas 105.1 Fm

[player id='305986']
 
 
 
  • About Us
  • Contact Us

© 2021 Copyright Masnoticia | Design & Hosted by r2motion by Renzo M

No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario

© 2021 Copyright Masnoticia | Design & Hosted by r2motion by Renzo M

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist