Partido RED Democratico a presenta nan candidato nobo, den persona di Sr. Mario Harms, y e ta splica.
Sr. Mario Harms a biba mas di 20 aña na Hulanda, pero a nace na Aruba y ta yiu di comerciantenan local, pa mas di 50 aña. El a sigui bisa cu el a haci su estudio na Hulanda, MAVO y Middelstands Onderwijs, cual ta Klein Bedrijf en Eenmanszaak. tambe el a studia International Business na Den Haag.
Durante cu e tabata na Hulanda, e tabata bin Aruba regularmente, pero tabata regresa Hulanda pa sigui studia. Durante cu e tabata bin Aruba, e tabata ripara cu tabata tin diferencianan hopi grandi ariba e isla en comparacion cu Hulanda. Y esaki mientras cu Aruba toch tabata pertenece na Reino Hulandes. e problema mas grandi cu Sr. Harms ta wak cu Aruba tin, ta cu Aruba su belasting no ta cuadra cu kico Aruba ta.
Como ehempel el a duna cu Aruba no ta un pais desaroya manera Hulanda, pero nos ta paga belasting si comosfiuera cu nos ta. Nos ta paga loonbelasting, inkomstenbelasing y esaki no ta klop paso nos no tin a accentahenan cu Hulanda tin, pasobra cu bo belastinggeld di Hulanda ta bay un caminda. Tin e infrastructura, medionan social, cual ta Pensioen, sueldo minimo, subsidio. tur e cosnan aki cu na Hulanda bo ta haya como privilegio di ta un Hulandes.Awo nos cu ta biba na Aruba y ta paga belasting manera un pais desaroya, y sin niun di beneficionan cu un pais desaroya. na Hulanda bo tin transporte publico, cu bo no mester di un auto, pero na Aruba si bo no tin auto, bo no ta yega niun caminda. Dus Arubiano ta obliga di busca un auto.
Con por ta posibel cu Arubiano biba na Aruba, cu tur e belasting cu e ta paga, e no ta haya nada pe a cambio. Despues di 31 aña di Status Aparte, bou di dos partido, kico Aruba tin? Aruba tin debe; no tin crecemento economico, pasobra gobierno ta handicap pueblo den crecemento. Bo no por crece si bo ta pone limite cuanto un trahado por gana, pasobra si bo ta limita nan cu nan no ta durf di gana tanto, tanto pasobra e ora nan belasting tambe ta subi, no ta beneficia niun hende pa nan bay dilanti. esaki door cu gobierno ta bay cobrabo mas. a yega e momento pa pueblo di Aruba habri nan wowo y pa nos, vooral partido RED ta cambio, cambio pa pueblo mes.
Tur e beneficionan cu nos tin di ta bou di Hulanda, nos por uza nan, pero nos mester wanta e cultura y e pueblo den mente, kico ta e bedoeling pa nos haci awo? Pone pueblo dilanti, paso gobierno mester yuda pueblo. Pueblo no ta suppose di tene gobierno na halto.
A yega tempo pa cambia e situacion, pa gobierno yuda e pueblo y no solamente e hendenan cu tin rond di nan. Cierto belastingnan mester baha, paso e ta kita e posibildiad pa crece. Un otro punto cu Sr. Harms kier a trece dilanti ta cu tin hopi arma di candela den circulacion aworaki. tin un mal ehempel pa nos hubentud, cu ta hayando un mal ehempel cu nan ta kere cu ta bon y kico cu nan ta haya cu nan tin cu haci pa crece manera adulto.
Tin asina tanto arma di candela, y Sr. harms ta di opinion cu mester hisa e straf pa esunnan cu tin arma di candela. No tin otro opcion. aworaki ta mas arma ta yega Aruba y nada un ta pasa. Mester bin un ley unda cu por lo menos mester kita e idea cu mester cana cu arma, dun’e 10 aña cera. Ban pensa un tiki, riba kico nos por haci, pa duna un bon ehempel na e hubentud cu esaki no ta e direccion cu nos kier tuma. E hubentud mester wordo guia, kico nos ta buscando pa nan, pa nan beneficio.
Motibo cu Sr. Mario Harms a subi partido RED ta cu den 31 aña den Status Aparte den su totalidad, e no ta bayendo mucho bon y partido RED, Sr. Ricardo Croes e ta di acuerdo cu su pensamento, cu ta berdadero y honesto. No mester keda cay den e mesun ciclo y verwacht un scenario diferente.