Partido MEP den un seccion live via pagina di Facebook a presenta su programa di partido di gobernacion 2021. E programa ta obtenibel pa lesa y download riba e website di partido. E programa ta inclui tur e logronan durante di e ultimo 3 aña y mei cu partido MEP ta den gobierno y na mes momento ta presenta e vision y solucionnan p’e retonan nos dilanti.
Lider di MEP y Prome Minister di nos Pais, señora Evelyn Wever-Croes, via e pagina di Facebook di MEP a duna un mensahe pa pueblo y a enfatisa e orguyo cu e ta sinti di e logronan na bienestar di Aruba desde 2017 y durante e pandemia di Covid.
Lider di MEP Evelyn Wever-Croes:
“Conciudadanonan, bo por ta hopi orguyoso. Cada Arubiano por ta hopi orgulloso den tur loke nos a logra den e ultimo 3 aña y mey. Nos a pasa di un crisis pa otro. Nos a cuminsa cu e crisis financiero, nos a pasa den crisis social, nos a pasa den e crisis di e impacto di e crisis interno di Venezuela. Un crisis constitucional den reino ora no tabatin confiansa mas cu e gobierno anterior di Aruba. Ora nos a kere cu nos a pasa tur e crisisnan, ora nos a cuminsa lanta cabes y financiermente nos a pone e país aki den rumbo stabiel, nos a haya e pandemia. Pero como ciudadano di pais Aruba nos a mustra cu nos ta hendenan fuerte y resiliente,’ Wever Croes a bisa.
El a manda palabra di gradicimentopa e apoyo desde 2017 y ta pidi pa sigui brind e partido e apoyo den e elección 2021.
Pa lesa y download e programa di gobernacion 2021 – 2025 di Partido MEP, bay riba e website www.mep.aw