Ciere di aña cu pagara y musica pa Partido MEP ya ta un tradicion. Diasabra 29 di december na CEDE di MEP na Santa Cruz cuminsando for di 7or di anochi, nos lo bin hunto pa cende pagara y pasa un rato ameno pa hunto nos yama aña 2018 ayo. Un aña sigur grandi pa nos unda nos a haya e oportunidad pa goberna e pais aki y mey mey di retonan grandi trece e cambio den e rumbo robes cu e pais aki tawata bayendo pa motibo di mal gobernacion di e gobierno anterior.

Bou musica di tradicion di Eric Ras y su grupo di Dande, nos lo yama aña 2019 Bon Bini cu e speransa cu apesar di retonan grandi, lo ta tambe fructifero pa cada persona cu ta biba na nos dushi pais na unda cambio lo wordo sinti den tur skina.

Partido MEP ta invita e pueblo di Aruba en general pa bin celebra un rato hunto cu nos na CEDE di MEP diasabra 29 di december di 7or pa 8or di anochi.

Comments

comments