• Latest

Partido MEP: Reapertura di refineria ta un logro di pueblo

5 September, 2016

Rosario Bibo diabierna 12 di augustus na Alto Vista

12 August, 2022

Desde otro aña Aruba ta marca historia cu vuelonan di British Airways

11 August, 2022

Dia di plantacion na Hilton Aruba Caribbean Resort & Casino

11 August, 2022

Parlamentario Alvin Molina (MEP): Iluminacion ta siguridad

11 August, 2022

Resultado di sorteo di number anochi 11 di augustus 2022

11 August, 2022

Comunidad ta alerta: Presencia di un malesa mortal di bushi raporta pa Aruba

11 August, 2022

Hincamento den Scobillostraat y un homber a keda deteni

11 August, 2022

Departamento di Impuesto a registra 868 miyon florin na entrada den e prome mita di aña 2022

11 August, 2022

Celebracion di siman di polis a cuminsa diaranson 10 augustus 2022 y a wordo dedica na sr. Eufemio “Cuchi” Thielman

11 August, 2022

Minister Dangui Oduber: British Airways ta lansa vuelonan directo pa Aruba na maart 2023

11 August, 2022
  • About Us
  • Contact Us
Friday, August 12, 2022
  • Login
Tur Caminda, Tur Moment. Masnoticia
 
ADVERTISEMENT
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario
No Result
View All Result
Tur Caminda, Tur Moment. Masnoticia
No Result
View All Result
Home Politica

Partido MEP: Reapertura di refineria ta un logro di pueblo

5 September, 2016
in Politica
0 0
0
Share on FacebookShare on Twitter

Rib’e pregunta con fraccion di MEP ta mira e situacion en torno di e firmamento di e deal di e refineria, sra Evelyn Wever Croes a elabora ampliamente riba e caminda cu a cana pa asina yega e momento na unda Aruba henter por tin e speransa di un operacion di e refineria atrobe riba nos isla.
“For di curason mi ta hopi contento cu nos ta bibando den un temporada di speransa den un reapertura di nos refineria. Partido MEP nunca a rindi ni a perde speransa cu nos lo bay habri e refineria bek pa Aruba. Partido MEP a traha p’e.
Sinembargo nos no mester bay discuti kende merece elogio of ken no merece elogio, pero nos mester tin e siguridad cu ta e pueblo di Aruba ta esun cu merece e elogio cu e apertura di e refineria. Pasobra den e pueblo di Aruba semper tabatin un gran parti cu nunca a perde speransa y a mantene fe cu un dia e refineria lo habri bek”, sra Wever-Croes ta bisa.
Lider di MEP ta bisa cu aña pasa, na Februari ainda, partido MEP tabata discuti cu esnan den e partido di AVP, esta Parlamentario, Ministernan como tambe prensa liga na AVP, caminda cu mester a defende dicon MEP si ta kere cu e apertura di e refineria ta importante pa Aruba.
“Nos mester a convence nan cu e refineria ta contribui cu por lo menos 15 porciento na nos economia. Nos mester a convence nan tambe cu e refineria ta bay duna empleo na 4 pa 5 mil persona. Y tambe nos mester a convence nan cu e refineria ta e unico manera pa nos fortifica e posicion di nos florin. Un aña y mey pasa nos mester a haci tur esaki pasobra AVP no tabata tin e vision di esaki y nan tabata cla pa desmantela e refineria”, e lider di MEP ta enfatisa.
Ainda por corda cu na Februari 2015, partido MEP a organisa accion Ora Cero. Lider di MEP ta bisa cu ta bon pa nos para keto un rato na e dia aki y reflexiona kico tabata e consecuencia di e accion aki. Pasobra ora cu MEP organisa un accion, no ta pasobra e lider ta haya gana of pasobra otronan den partido ta haya gana pa haci esaki, sino e pueblo ta pidi pa esaki.
“Esaki tabata e momento na unda cu pueblo a bisa nos pa bay na e gate di Valero pa asina haci e intento pa para e desmantelacion di e refineria. Y partido MEP ta scucha e pueblo”, sra Wever-Croes ta bisa.
Sra Wever-Croes ta bisa cu ta e pueblo cu a insisti y persisiti na Februari y para dilanti e Gate di Valero te marduga a logra y merece elogio cu awe nos ta biba den e speransa cu un dia e refineria lo habri bek.
“Un diabierna nochi, nos a dicidi di bay na e gate di Valero. Tur esnan cu tabata tey e dia nochi ey, cu a bay para te marduga eynan, ta danki na nan cu awe e refineria ta den vispera di reapertura. No esnan cu a bay firma y a wordo paga miyones di florin pa biaha cu Roberto Rincon y ken sa kico straño nan a bay haci na Houston”, sra Wever-Croes alaga sa.
Partido MEP, sea ta sra Evelyn Wever-Croes, Glenbert Croes y tur otro coleganan, simplemente a canalisa e deseo di e pueblo.
“Na e momento cu pueblo a pidi nos pa manda un señal pa Valero pa nan stop e desmantelacion, nos a haci esaki di biaha. Valero a contesta nos y a constata na nos tambe cu nos ta e prome di Aruba cu ta duna nan e señal aki pa stop e desmantelacion pasobra Aruba no ta desea esaki”.
Lider di MEP ta continua bisando: “Valero a bisa mi cu nan tabata den fase pa desmantela. Mike Eman y Mike de Meza ambos tabata sa di esaki, y nan mester a cuminsa actua. Y nos por bisa cu ta for di aki nos a cuminsa cambia e destino di e refineria y e destino di e pais aki”.
Despues di esaki tabatin varios otro actividad cu a tuma lugar entorno e reapertura di e refineria. Entre otro, Andin Bikker a entrega un mocion na Parlamento. Tambe nos a organisa un charla cu sr. Nelson English na Surfside Marina na unda tur informacion di e posibilidadnan pa un reapertura a wordo duna. Partido PDR tambe a organisa un charla cu Nelson English na Centro Teresita na San Nicolas. Na ambos charla e pueblo a wordo informa cu tin alternativa y cu nos no mester sigui pensa riba medida so manera e Gobierno di AVP a bin ta proponiendo.
Tambe ainda ta fresco den memoria di tur hende, cu despues di e encuentro na Centro Teresita, tabatin un Town Hall meeting na San Nicolas, na unda Minister de Meza ta bolbe informa pueblo cu no tin otro alternativa sino pa desmantela e refineria.
“Sinembargo, awe cu nos ta para dilanti vispera di e reapertura di e refineria, nos por ta contento pa bisa, cu nosa gana, pueblo a gana. Pueblo ta esun victorioso y a habri e caminda pa convence esnan di AVP pa stop cu e desmantelacion. Y ta solamente e pueblo merece e gran elogio aki”, lider di MEP ta enfatisa.

“Mi ta hopi contento cu e momento aki pero mi mester ta tambe hopi honesto. Mi ta hopi cauteloso pasobra ainda mi no a wak ningun documento. Te ainda mi no sa kico a wordo firma y mi no ta kere ni un palabra di Mike Eman nidi Mike de Meza. Ta un cantidad di biaha caba cu nan a gaña nos. Te cu awor, pa e Ministernan aki tabataimportante pa duna show so y no pa duna contenido. Te cu awe ainda Parlamento no a haya e 2000 pagina di e contract di CITGO tampoko.
No ta conoci na nos cuanto pagina nan a firma cu Valero pero den tur caso nan tin tur cos y ta haciendo tur cos for di bista di Parlamento”, Evelyn Wever-Croes a laga sa.

Sra Evelyn Wever-Croes a termina poniendo den contexto e tempo cu sr. Nelson Oduber a drenta Gobierno na aña 1989. El a para e desmantelacion di e refineria cu sr. Henny Emana cuminsa e tempo ey. Sr. Oduber a negocia cu Coastal y a yega na palabracionnan cu Coastal. Pero e no a core bay firma.
Gobierno e tempo ey a bay Parlamento pa presenta e deal na Parlamento prome cu nan a firma. Te ora cu Parlamentoa aproba e deal, cu porcierto AVP no a aproba, pero si a conta cu e mayoria den Parlamento, a cera e reunion di Parlamento, a habri un otro reunion solemne den Parlamento pa firma e deal den e cas di pueblo.

“Esaki ta transparencia. Esaki ta ora bo ta duna respet napueblo y ta informa bo Parlamento. Pero loke cu Mike Eman y Mike de Meza a haci aki, ta contra tur moral di transparencia.
Y mi ta spera cu e miedo cu nan tin pa duna transparencia y informacion pasa pronto y cu nan por entrega e documentonan aki na Parlamento pa asina cada partido porstudia nan.
Te ora cu nos por wak e documentonan aki y studia nan, nos por duna nos opinion riba e deal aki. Prome cu esaki, nos no por bisa cu siguridad cu tur cos a wordo negocia nae bienestar di nos pueblo. Ta te ora nos studia e deal, nospor bisa Aruba pabien cu un deal asina of tambe si e Gobierno aki a faya atrobe.
Mientras tanto, nos kier sa tambe kico lo bay pasa cu e reclamo ambiental, cu e impuestonan y cu e trahadornan. Awor ta keda na nos pa sinta warda Gobierno entrega nos e documentonan pa nos por duna nos opinion definitivo”, sra, Wever-Croes ta termina bisando.

Previous Post

Jeep a bolter pabou di rotonde Tanki Flip

Next Post

Departamento di Gobierno ta informa riba e Macuto di compras

Related Posts

Politica

Marco Berlis (mep): Aruba ta recuperando su turismo!

3 August, 2022
Politica

Alvin Molina (MEP): A preveni e introduccion di contribucion propio ‘eigen bijdrage’ di AZV

3 August, 2022
Politica

Darlaine Guedez-Erasmus (MEP): Proyeccion di turismo ta cu e lo sigui tremendo pa aña 2022

2 August, 2022
Politica

Partido MEP:  Avp tin ‘trackrecord’ largo di pone cara di Aruba na berguensa ora ta trata di corupcion y labamento di placa

29 July, 2022
Politica

Darlaine Guedez-Erasmus MEP: Ambtenaarnan hustamente a haya e 5% di recorte salarial bek

25 July, 2022
Politica

Booshi Wever di UPP: Gañamento a bira e normal nobo den e gobernacion actual

24 July, 2022
Next Post

Departamento di Gobierno ta informa riba e Macuto di compras

 
 
 
  • About Us
  • Contact Us

© 2021 Copyright Masnoticia | Design & Hosted by r2motion by Renzo M

No Result
View All Result
  • Home
  • Local
    • Entrevista
    • Comunicado
    • Corte
    • Policial
    • Anuncio
  • Suceso
  • Politica
  • Internacional
    • Curacao
    • Boneiro
    • Reino
    • Economia
  • Tempo
  • Social
    • Opinion Publico
      • Anuncio
    • Deporte
    • Salud
    • Lifestyle
    • Felicitacion
    • Farandula
  • Loteria
  • Video
  • Obituario

© 2021 Copyright Masnoticia | Design & Hosted by r2motion by Renzo M

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist