Partido MEP: Abo ta kere Mike de Mesa???

Mike de Mesa ultimo dianan ta den un yoradera formal. E ta pretende di ta gran experto di refineria. Mas bien e ta un profeta di desaster!

Tempo e tabata minister encarga cu finansas, e no por a diferencia entre “income” cu “assets”, y tabata obvio cu e no por a maneha finansas di pais Aruba nunca. El’a permiti pa redobla nos debe nacional den 4 aña y a perde tur credibilidad riba e tereno ey.

Como un supuesto experto, el’a declara cu prijs di crudo lo subi drasticamente na añanan 2010/2011 y asina a pone WEB perde 200 miyon florin na un hedging descabeya, pasobra prijs di crudo a baha drasticamente. Mientras mundo henter a haya un alivio di costo di energia, Aruba no a probecha di esaki pa simple motibo cu e minister encarga cu WEB a demostra di ta totalmente incompetente.

Como supuesto experto di refineria, el a declara cu nan a haya un operador pa e refineria na 2016, Citgo, pero pronto a resulta cu esaki tabata un FATAMORGANA. Nan a negocia cu un grupo di mafioso, cu un pa un a cay cera. Y pa 4 aña largo Citgo a tene e pilar economico industrial rehen perhudicando desaroyo di henter nos pais.

Abo ta kere Mike de Mesa ainda? Los perros ladran y la caravana pasa.

Comments

comments