Awe 30 di September 2020, varios miembro y consehero tabata presente hunto cu Vice presidente di conseho Electoral di Aruba, kende a hasi entrega oficial di e desicion di Conseho Electoral na Partido HTC.
Partido HTC un Partido nobo, ta completamente prepara pa bay Eleccion, caminda cu pueblo lo vota pa e proximo parlamento dia 24 di September 2021.
Desde cu aña 2020 a habri, Mr. Gilbert Webb cu ta fundador di e Partido a dicidi di lanta un partido nobo na Aruba, na unda por duna hobennan e opportunidad pa tambe tin bos, y nos grandi nan cu ta sufri por tin trankilidad y cu fe cu mayan por tin un mihor bida.
Despues cu tur e documentonan a keda cla y formalisa mediante Notario dia 23 di Juli 2020, e existencia di e partido nobo a bira realidad, bou e nomber di Partido HTC cu ta nifica Hubentud Treciendo Cambio. Awe 30 di September 2020, ta notifica cu oficialmente e partido H.T.C. a wordo accepta. Team completo di Partido HTC ta cla pa 2021.
18 September 2020, Partido HTC mester a hasi un paar di cambio den e statuutnan di e partido y pa asina a cumpli cu reglanan di Conseho Electoral, Despues di e cambio chikitonan aki awe partido HTC ta ricibi e copia di decision di conseho Electoral na Partido HTC.
Tempo ta bay lihe, nos a cuminsa traha duro pa asina percura cu Aruba por tin un mihor futuro mayan. Dia 3 di January 2021, partido HTC lo presenta su programa di cambio pa pueblo por scucha kiko tur Partido HTC lo hasi pa pueblo di Aruba si deposita confiansa den nos.
Danki na Conseho Electoral pa e bon trabou, bon comunicacion y splicacion. Danki na pueblo pa tur e conseho positivo y sigur cu si, nos ta cla pa 2021 cu boso Sosten, un aña cu hunto nos lo hasi un cambio, Hunto pa dilanti