Sr. Benjamin Francees, e homber di deporte di partido CURPA, ta splica cu desde añanan 1999-2000 mundo a conoce un revolucion total den nos sistema. E mundo Analoog a cuminsa converti su mes den un mundo Digital. Hopi di nos por a experencia e cambio aki sigur, den technologia esaki a nifica hopi. Nos tur ta corda e temponan di telecomunicacion unda e conexionnan tawata via koper draad y asina cu e sistema wireless a drenta, hunto cu frequencia cosnan a cambia totalmente. Asina aki tambe nos politica na Aruba ta conociendo e CAMBIO total aki.
Awo nos ta bai analisa e Politica Tradicional contra e Politica Nobo. E Politica Tradicional ta nifica cu e modus operandum ta cu e politico nan ta tene e pueblo pa hende menos educa. E manera cu e politico ta influencia e pueblo ta via un sistema di mercadeo cu ta worde jama “Gorila Marketing”.
Gorila Marketing ta usa hopi fanfaria pa influencia e mente di e hende. Ta hasi uso di hopi pero hopi bandera, tur cas na Aruba nan ta purba lanta un bandera cu e proposito pa hasi e partido mustra grandisimo. Nan ta pensa cu asina e hende nan cu ta wak (visualmente) ta worde influencia pa asina ora di voto e partido hanja mas voto cu ta posibel. E hende mes cu mester ta central den tur e gobernacion di e pais ta keda na di dos lugar despues cu nan worde influencia / manipula cu e metodo di Gorila Marketing. E strategia aki a worde usa pa e ultimo 30 anja nan sigur di eleccion y gobernacion di pais Aruba.
Awe na aña 2017 e pueblo aki ta diferente, dor cu hopi Arubiano a bai studia na Hulanda den e ultimo 30 añanan, e mentenan a habri y a mira otro cos cu den principio e politico tradicional no tawata kier pa e arubiano ripara. E tecnologia tambe a yuda pa habri e wowonan di e arubiano, dor cu awendia e famoso “google” cu ta e “enciclopedia” di antes ta riba un click leu for di e pueblo. Asina hopi informacion ta yega hopi mas rapido cu antes. Na anja 2017 e sistema di Gorila Marketing lo NO funciona 100% mas, pero hopi menos. E eleccion di September 22 lo demostra esei cuanto percentage ainda lo worde influencia pa Gorila Marketing. Pesei awe hopi hende den politica kier pa e fecha di eleccion yega rapido pa asina por saca algun conclusion di e desaroyo aki.
Partido Politico CURPA (Cristiannan Uni Reforsando e Potencial di Aruba) ta un partido cu tin Dios central den su maneho, y un partido cu tin Dios central den su maneho ta un garantia cu e lo goberna e pais cu e principionan di Dios. Kiko mas mihor cu un partido asina den e proximo gobernacion? E programa di gobernacion lo ta uno cu sigur lo beneficia Aruba, ora cu e worde acompanja pa e principionan di Dios, pero ehempel: stima bo prohimo mescos cu bo mes; no horta; honra bo mama y bo tata; yuinan obedece boso mayornan; y mas. Ki dushi lo ta pa Aruba worde goberna pa hendenan politiconan husto cu di berdad ta pone e hendenan / pueblo na prome lugar. Ora e husto ta goberna e pais aki di Aruba, Aruba lo ta alegre y contento. E politica nobo aki sigur lo bira e punto di decision pa dia 22 di september benidero. Nos tur ta stima nos pais Aruba y lo mester uni cu otro pa hasi e pais aki e exitoso. E formule ta un hende ta exito ta un solo palabra: ENTUSIASMO
Scirbi pa Benjamin Francees “E Homber di Deporte” di partido politico CURPA
297-737-0536