LA PAZ, Bolivia- E general Boliviano, Gary Prado Salmon, pa hopi hende ta wordo considera un heroe, ya cu e ta esun cu a captura e legendario gueriyero Argentino- Cubano, Ernesto “Che” Guevara. Den un entrevista Salmon a sigura cu e partido Comunista Cubano a manda e ideologo bay muri na Bolivia, ya cu nan no tabata soport’e mas.
E teoria di Prado ta cu aparece den e prologo di su buki ‘La Guerrilla Inmolada’, ta conta e foutnan cu Guevara a comete cu e grupo di gueriyero bou di su comando, cinco decada pasa.
“Despues de tanto aña, loke a keda clarifica ta cu finalmente, Che wordo manda pa Bolivia pa e muri. Asina nan a libera di dje. Esey ta e realidad. Fidel Castro a libera di dje. No tanto pasobra cu e tabata kier, sino pasobra e cupula di e partido comunista Cubano ya no tabata soporta Che Guevara door di su caracter y su manera impulsivo”, Prado a señala.
Prada, kende dia 8 di October 1967 a dirigi e operativo pa captura Guevara, a conta cu manera cu nan a aresta Che Guevara, esaki a wordo entrega na e superiornan di Prada y un dia despues el a wordo ehecuta den e localidad di La Higuera, zuidoost di Bolivia.
Fuente: www.ntn24.com