Diamars Accion 21 a colecta e firmanan necesario pa participa den eleccion dia 25 di Juni 2021. Lider di partido Miguel Mansur hunto cu e 13 candidato riba e lista a gradici un y tur cu a firma pa duna Accion 21 e oportunidad pa trece cambio, progreso y mehoracion pa Aruba. E team a bishita e tres localidadnan pa firma Censo, MFA Noord, MFA Savaneta y apenas den e di dos dia di coleccion di firma, nan a surpasa e cantidad oficial pa sigui e caminda pa eleccion. Esaki ta demostra cu pueblo kier un partido nobo, un partido progresista y liberal pa para pa nan.
Accion 21 ta preparando su mes pa presenta e programa di partido y asina cuminsa e campaña pa e eleccion venidero. Nan ta bay haci uzo di un combinacion di e plataforma digital y tambe sali riba caya pa combersa cu pueblo cumpliendo cu e medidanan estableci di COVID-19.
E lista di Accion21 ta integra pa 14 candidato cu experticio den diferente areanan pero cu ta lucha pa e mesun meta, hiba Aruba dilanti.
Miguel Mansur
Daphne Lejuez
Gerald Vingal
Cristian Soto Garcia
Diego Acevedo
Flora Petronilia
Zoraida Conijn Berkel
Mitchell Ho-Asjoe
Tony de Jonge
Hans Zaandam
Edmar Gietel
Raymundo Dijkhoff
Leonardo Maduro
Leonardo Figaroa
Bishita nan website www.accion21.com pa mas informacion, y sigui nan riba Social Media.
Facebook: https://www.facebook.com/accion21aruba
Instagram: https://www.instagram.com/accion21_aruba/