Participacion tabata grandi den eleccion pa Parlamento Europeo 2019

BRUSELAS, Belgica- E eleccion pa Parlamento Europeo ta parce di ta dirigi ariba e asistencia mas grandi den 25 aña. E parlamento ta calcula un average di 51% cu a haci uzo di nan derecho. Cinco aña pasa esaki tabata di 42 %.
Den e estadisticanan ta aparece tur e paisnan miembro di UE, cu excepcion di Reino Uni. Na ultimo momento ainda e Britaniconan mester a participa den e eleccionnan, pa motibo cu ainda no a yega na un acuerdo pa Brexit.
Na 1994 tabata e ultimo biaha cu e asistencia den e eleccionnan Europeo tabata riba 50%. Cu esaki tambe e tendencia abou di e ultimo decena a wordo kibra. For di e cifranan di asistencia tanto e temporal como e definitivo por deduci cu den sigur 18 di e 28 estadonan miembro e asistencia a subi. Den algun pais por a wak un subida drastico den asistencia.
Na Polonia p.e. e asistenca prome cu merdia, tabata casi dobbel di e asistencia na 2014. Spaña, unda tambe tin eleccionnan local, a wak un subida di 15%. Y na Francia y Austria e asistencia a subi cu 10% mas halto cu den e ultimo eleccionnan Europeo.

Comments

comments