IBiSA tur aña ta organisa e deporte escolar na unda mayoria di scol na Aruba ta competi
contra otro den diferente disciplina deportivo den ekipo of individual. Despues di a stop e
Olimpiada Escolar pa un paar di aña, aña pasa Ministro di Deporte y IBiSA a cuminsa cu
preparacion pa e Olimpiada Escolar 2019 un biaha mas. Aki tur scol participante a
clasifica pa topa otro den diferente ramo di deporte durante tres siman. Un total di 33 scol
ta cla pa bay den accion durante Olimpiada Escolar 2019.
Participacion na e Deporte Escolar y tin scolnan cu pa un of otro motibo no ta participa,
como tambe tin scolnan cu ta hopi activo y ta haci e intercambio deportivo uno grandi.
Despues di a anuncia cu e Olimpiada Escolar a wordo reanuda, e interes den comunidad a
lanta pa nan yiu, nieto of sobrino por ta parti di Olimpiada Escolar. Pa e motibo aki
IBiSA kier informa cu apesar cu pa mayoria di e disciplinanan tabatin clasificacion caba,
ainda tin oportunidad pa e mucha of adolecente participa den algun ramo di deporte.
Esakinan ta lo siguiente: Landamento, ultimo dia pa inscribi ta dia 17 di mei; Kids
Athletics Kleuter School ta dia 17 di mei; Baile dia 19 di mei; Teen Crossfit F3 ta dia 20
di mei; y inscripcion pa e ‘1-2-3km Loop’ cu ta pa Scol Basico y Scol Avanza ta dia 12
di juni.
Pa mas informacion por yama 582 4987 y pidi pa e seccion di Deporte Escolar of por
manda un mail na [email protected]. Tambe por sigui nos atrabes
facebook IBiSA Aruba