Universidad di Aruba ta manda su encuesta di Percepcion, Opinion y Actitud tocante Abuso Sexual Infantil na Aruba online recientemente. Esaki ta wordo haci dor di docente Clemencia Eugene, kende ta haci e investigacion aki hunto cu Anton De Kom Universiteit di Surinaam. Ta sumamente importante pa tur hende contribui na e encuesta online aki, pasobra mas dato tin tocante e topico aki, mas miho por tuma medida. E topico aki ta hopi importante pa nos muchanan di Aruba y e encuesta ta online caba y ta bai te cu Juni. Mester sigui enfatiza cu tur tur hende na Aruba mester juda y contribui p’asina Universidad tin e datonan pa haci e investigacion un exito. Tur hende di 18 aña pariba por participa y contribui na e encuesta aki p’asina por haya mas informacion valioso. E ta na cuater idioma, Papiamento, Hulandes, Spaño y Ingles. Tur hende mester compronde cu datonan ta keda anonimo y semper esaki ta e caso cu otro encuestanan tambe haci dor di Universidad. Y despues ta saca un rapport y Clemencia Eugene e ora hunto cu su team ta traha riba recomendacionnan pa Gobierno y otro instancianan.