E era actual y futuro ta rekeri profesionalnan cu sa di soluciona retonan den un forma creativo.
E programa pa capacitacion profesional riba nivel ‘Post-Bachelor’ Liderasgo Educacional pa Colaboracion – “Educational Leadership for Collaboration” ta ofrece hermentnan valioso y innovativo cu ta stimula colaboracion den un organisacion y entre trahadornan. Ta pone enfasis riba desaroyo personal, desaroyo inter-personal, desaroyo di cultura di colaboracion y ehecucion di un proyecto practico. Tambe ta aplica e modelo di Aristidad Social – ‘Social Artistry’, cu ta distingui cuater nivel di consencia. E cuater nivelnan ta: Concencia Fisico-Sensorial, Consencia Historico-Psicologico, Consencia Mitico-Simbolico y Consencia Integral-Unifica.
E programa ta dirigi riba profesionalnan den sector educativo ( den sentido amplio) cu ta eherce of ta desea di eherce funccion di lider. E facilitador principal ta sra. Janet Sanders Med, cu tin un trayetoria amplio riba e tereno concerni na Merca, Canada, Sur America,
Africa, Asia y desde 2014 na Aruba. Pa cada seminario tin un facilitador experencia invita di entre otro Merca. Duracion di e programa ta di Februari 2017 pa November 2017. Durante e tempo aki tin cuater seminario di tres dia riba diahuebs, diabierna y dialuna di mainta pa atardi. Ta aplica e-learning y tin guia personal individual y den grupo.
E programa ta wordo financia cu fondonan di Union Europeo y ta gratis. Tur interesado cu tin por lo menos un estudio superior por aplica te dia 27 di November proximo. Bo aplicacion ta wordo balota y bo ta ricibi resultado den e prome siman di December 2016. Pa mas informacion y aplicacion tuma contacto cu ‘Center for Lifelong Learning’ di Universidad di Aruba , e-mail [email protected] of na telefon 526-2259.