Gai cora a canta diasabra marduga den Dividivistraat na Dakota, patruya di Oranjestad pasando den e bario unda nan tabata bula holor di huma un rato prome y direccion pa Playa otro holor di huma ta dal e oficialnan y nan a bira bek pa wak di unda esaki ta biniendo. Pasando den Dadelstraat e holor a bira mas fuerte y den Dividivistraat e oficialnan ta topa cu candela grandi na un cas.
https://www.facebook.com/masnoticia/videos/1506473822822684/
E oficialnan a baha di biaha pidiendo resfuerso di mas colega y brandweer cu urgencia. E oficialnan a bay wak si tin hende paden y aki e tres oficialnan a drenta den tur e huma pa wak si tin hende pega den cas, pero paden parti patras tabata tin un hende homber a lucha cu un anciana riba rolstoel, e oficial den tur e huma a logra di saca e anciana bay cune te otro banda di caminda pa e no sigui inhala e huma y asina a pidi ambulans presenta cu urgencia pero a dura basta pa yega. Dos truck di brandweer a presenta pa domina e candela rapidamente. Polisnan a rescata te hasta cachonan chikito cu tabata pega den e cas. Personal di Elmar a presenta pa wak si mester kita coriente na e cas. A notifica recherche y departamento forensico di e caso aki. Debi cu ta un famia adicto biba dilanti lo ta esun cu a pega e candela debi cu rato despues polis a bolbe presenta y a topa cu e homber drumi den e cas sacando sanger for di boca, pasobra a bebe basta pilder pa pone fin na su bida.